Piravom Church | പിറവം പള്ളി തർക്കവിഷയത്തിൽ പ്രശ്നം രമ്യമായി പരിഹരിക്കാൻ സർക്കാർ

പിറവം പള്ളി തർക്കവിഷയത്തിൽ പ്രശ്നം രമ്യമായി പരിഹരിക്കാൻ സർക്കാർ മന്ത്രിസഭാ ഉപസമിതി രൂപീകരിച്ചു. യാക്കോബായ ഓർത്തഡോക്സ് സഭകളുടെ പള്ളി തർക്കവിഷയം കൂടിയാലോചനയിലൂടെ രമ്യമായി പരിഹരിക്കാനാണ് സർക്കാർ മന്ത്രിസഭ ഉപസമിതി രൂപീകരിച്ചിരിക്കുന്നത്. വ്യാവസായ മന്ത്രി ഇ പി ജയരാജൻ ആകും സമിതിയുടെ കൺവീനർ. എകെ ശശീന്ദ്രൻ, രാമചന്ദ്രൻ കടന്നപ്പള്ളി എന്നിവരും സമിതിയിലെ അംഗങ്ങളാണ്. സഭാതർക്കം പരിഹരിക്കാൻ ഇരുസഭകളെയും മുൻനിർത്തി സമവായ ചർച്ചകൾ നടന്നിരുന്നു എന്ന വാർത്തകളാണ് പുറത്തുവന്നത്. എന്നാൽ ഈ വാർത്തകൾ ഓർത്തഡോക്സ് സഭ നിഷേധിച്ചിരുന്നു. തുടർന്നാണ് പ്രശ്നം രമ്യമായി പരിഹരിക്കാൻ സർക്കാർ മന്ത്രിസഭാ ഉപസമിതി രൂപീകരിച്ചിരിക്കുന്നത്.