TIRANE-Pak ditë më parë Kontrolli i Lartë i Shtetit në një raport të paraqitur në Kuvend theksonte se borxhi publik nuk është 70.1% sa deklarohet nga Ministria e Financave, por +2% nëse do të llogaritet vlera e detyrimeve të prapambetura, e cila nuk është raportuar.

Kryetari i grupit të LSI, Petrit Vasili në një status në Facebook shprehet se mashtrimi me borxhin publik është krim, ndërsa i bën thirrje prokurorisë që të mos heshtë, por të veprojë.

Sipas tij, prokuroria është përpara momentit delikat më të madh të saj pasi zgjedhjet jane vetem dy: ose do te vendoset ne krahun e ligjit dhe me shqiptaret ose do te vendoset ne krahun e fshehjes se krimit shteteror dhe kunder shqiptareve.