చెన్నై రోడ్ల పై ఎన్జీఓ సంస్థ విచిత్ర ప్రదర్శన

మీరు ట్రాఫిక్‌లో వెళుతున్నారు. అనుకోకుండా సిగ్నల్ పడింది. మీరు రెడ్ సిగ్నల్ గమనించకుండా అలానే ముందుకు వెళ్లారు. అప్పుడే మీముందు బ్యాట్ మ్యాన్ వచ్చి... ట్రాఫిక్ సిగ్నల్స్‌ను ఫాలో అవ్వండి అని క్లాస్ తీసుకుని, సీటు బెల్టు ధరించమని గుర్తు చేస్తే ఎలా ఉంటుంది...? ఇది చదువుతున్న మీకైతే ఎలాగుంటుందో తెలియదుకానీ...చెన్నై నగరవాసులు మాత్రం ఇలాంటి అనుభవమే ఎదుర్కొన్నారు.
జూన్ 24న అన్నానగర్ సిగ్నల్ దగ్గర వాహనదారుల ముందు ఒక్కసారిగా సూపర్ మ్యాన్, స్పైడర్ మ్యాన్, బ్యాట్ మ్యాన్‌లు ప్రత్యక్షమయ్యారు. ఒక్కసారిగా వాహనదారులు షాక్‌కు గురయ్యారు. అయితే వాళ్లు ఊరికే రాలేదులెండి. తమకంటూ ఒక మిషన్‌ను పూర్తి చేసేందుకే అలా వచ్చారు. ఇంతకీ ఆ మిషన్ ఏంటనేగా..? చెన్నైలో ట్రాఫిక్ నిబంధనలపై వాహనదారులకు అవగాహన కల్పించేందుకు థోజన్ అనే ఓ ఎన్జీఓ సంస్థ ముగ్గురికి ఇలా సూపర్ మ్యాన్, స్పైడర్ మ్యాన్, బ్యాట్ మ్యాన్ గెటప్‌లు వేసి పంపింది.

A Chennai based NGO is bringing awareness to the citizens on traffic rules in a different way.