Prabhas Takes Shocking Decision

Prabhas takes shocking decision, quit movies after Sahoo. Saaho is an action-thriller directed by Sujeeth and is likely to hit the screens in 2019.

బాహుబలి స్టార్ ప్రభాస్ తాజాగా ఓ బాలీవుడ్ ఇంటర్వ్యూలో చేసిన కామెంట్స్ హాట్ టాపిక్ అయ్యాయి. 'సాహో' తర్వాత ఏం చేయబోతున్నారు అనే ప్రశ్నకు యంగ్ రెబల్ స్టార్ ఎవరూ ఊహించని సమాధానం ఇచ్చారు. . ''సాహో తర్వాత ఏం చేస్తానో నాకే క్లారిటీ లేదు. సినిమాలు చేస్తానో, వ్యాపారం చేస్తానో లేక వ్యవసాయం చేస్తానో తెలియదు. వ్యాపారం, వ్యవసాయం రెండూ చేస్తానేమో చెప్పలేను..'' అంటూ ప్రభాస్ చెప్పిన సమాధానంతో అంతా షాకయ్యారు.
ప్రభాస్ ఎందుకు ఇలాంటి కామెంట్స్ చేశారు? అనే విషయం ఎవరికీ అర్థం కావడం లేదు. బాహుబలి తర్వాత జాతీయ స్థాయి హీరోగా అవతరించిన ప్రభాస్ నుండి ఇలాంటి మాట వస్తుందని ఎవరూ హించలేదు. బాహుబలి సినిమాకు ఏళ్లతరబడి కష్టపడటం, ఇపుడు సాహో మూవీ కూడా పూర్తి కావడానికి అనుకున్న సమయం కంటే ఎక్కువ తీసుకుంటుండటంతో విరక్తితో బహుషా ఆయన ఈ కామెంట్స్ చేసి ఉండొచ్చు.
అయితే ప్రభాస్ అలా చేయకపోవచ్చు, ఏదో సరదాగా ఆ కామెంట్స్ చేసి ఉంటారని అభిమానులు బలంగా నమ్ముతున్నారు. సినిమాలను వదిలేస్తానని ప్రభాస్ చెప్పలేదనే విషయాన్ని గుర్తు చేస్తున్నారు. ప్రభాస్‌కు సినిమాలంటే పిచ్చి అని, అంత ఇష్టం ఉంది కాబట్టే బాహుబలి కోసం 5 ఏళ్లు కష్టపడ్డాడని ఫ్యాన్స్ గుర్తు చేసుకుంటున్నారు.