Mahesh Kathi hot commets on Bigg Boss 2 and supports eliminated contestant Sanjana Anne. Model Sanjana Anne, who entered the Big Boss 2 program as a commoner, is the first one to be sent out from the house. But the part-time actress claims that she's sent out of the house for her super honesty.

బిగ్ బాస్ గేమ్ నుండి తనను కుట్రలు, కుతంత్రాలు, రాజకీయాలు చేసి బయటకు పంపారంటూ మిస్ హైదరాబాద్ సంజన అన్నె చేస్తున్న ఆరోపణలపై మాజీ బిగ్ బాస్ కంటెస్టెంట్, సినీ విశ్లేషకుడు మహేష్ కత్తి స్పందించారు. రెండో సీజన్ జరుగుతున్న తీరును, సంజన చేస్తున్న ఆరోపణలపై ఆయన తనదైన రీతిలో స్పందించారు. సంజనకు మద్దతు ఇస్తూనే... బిగ్ బాస్ నిర్వాహకులు పాలిటిక్స్ చేస్తున్నారన్న ఆమె ఆరోపణలను తోసి పుచ్చారు.
మొదటి సీజన్లో మేము చేసినపుడు కాంపిటీషన్ అనేది మూడో వారం, నాలుగో వారం నుండి మొదలైంది. గేమ్ సీరియసైన కొద్దీ ఎవరినో ఒకరిని బయటకు పంపాలి, మనతో స్నేహం ఉన్నా? లేక పోయినా గేమ్ ఆడాలి. కానీ ఈ సారి ఫస్ట్ వీక్ లోనే ఇద్దరిని జైల్లో పెట్టేయడంతో కాంపిటీషన్ మొదలైంది. ఒక ఫ్యామిలీగా కలిసుండే ప్రయత్నం చేద్దామనే ఆలోచన కూడా లేకుండా శత్రువర్గాలు, మిత్ర పక్షాలుగా మారిపోయి గొడవలు జరిగేంత స్థాయికి సీజన్ 2ను ముందుకు తీసుకెళ్లడం అనేది కొంత నెగిటివిటీని ఎక్కువ పెంచింది అనిపిస్తోంది. అందుకే అక్కడ మొదటి రోజు నుండే కుట్రలు ప్రారంభం అయ్యాయని సంజన ఫీలవ్వడంలో తప్పులేదు.... అని మహేష్ కత్తి అన్నారు.
గత సీజన్‌ గేమ్‌లో కొంత వెసులుబాటు ఉండేది. ఇంకా గేమ్ ఇవాల్వ్ అయ్యేంత వరకు కొంత టైమ్ ఇచ్చారు. ఈ సారి అంత టైమ్ ఇవ్వలేదు. ఎక్కడైనా సరే గేమ్ ఇంట్రెస్టింగ్‌గా ముందుకు తీసుకెళ్లాలి. అది ప్రేక్షకులను రంజింప చేయాలి. కొంత టెన్షన్ పెట్టాలి, కొంత ఎమోషనల్ హైప్ ఇవ్వాలని ఎవరైనా కోరుకుంటారు. ఈ సారి సామాన్యులు కూడా ముగ్గురు లోపలికి వెళ్లడంతో గేమ్ స్టేక్స్ పెరిగాయి. అందుకే కొంచెం ఎక్కువ కాంపిటీషన్ మొదలైంది.