Projektet për bujqësinë, fermerët: Pa certifikatën e pronësisë nuk formalizohemi dot
- 6 years ago
Fermerët nuk mund të përfitojnë nga projektet e qeverisë për bujqësinë nëse nuk kanë numër NIPT, ndërkohë që për formalizimin u nevojiten certifikatat e pronësisë. Ata thonë se qeveria duhet t?u japë certifikatën e pronës fillimisht, ndërkohë që formalizimi mbart edhe rrezikun e përballjes me taksa që fermerët druhet se mund të mos i paguajnë dot. Ndërkaq, inspektorët e Bujqësisë inkurajojnë fermerët të formalizohen pasi kjo nuk ka lidhje me taksat.
Fermerët kërkojnë nga qeveria që të intensifikojë punën për dhënien e certifikatave të pronësisë, pasi sipas tyre, nëse një dokument i tillë nuk disponohet, formalizimi dhe për pasojë edhe projektet e financimit qeveritar mbeten të paarritshme.
Ismail Paja, një fermer nga Tirana, thotë se fermerët duan mbështetje për dhënien e titujve të pronësisë, më pas informimin dhe orientim për aplikimin në projektet për bujqësinë.
Ismail Paja, fermer: Nuk kam qenë i formalizuar, këtë vit jam formalizuar. U formalizova tani, pasi nuk kisha dokumentin e tokës sime. Të gjtihë duan të punojnë, por dokumentat e pronësisë janë çështja kyçe për formalizimin dhe aplikimin në projekte të ndryshme.
Ndërsa Tafil Marku, një bletërritës, shprehet se përballja me taksat i step fermerët për tu formalizuar.
Tafil Marku, fermer: Më përpara nuk aplikonim, pasi nuk regjistrohemi për shkak të taksave. Është frika e taksave dhe mungesa e dokumentacionit të tokave që na stepin për formalizim.
Për ekspertët e Agjencisë për Zhvillim Bujqësor dhe Rural, pasjisja e fermerëve me NIPT nuk parashikon pagesa taksash, por vetëm formalizim të aktivitetit të tyre bujqësor apo blegtoral.
Ingrid Dashi, Inspektore në AZHBR: Fermerët duhet patjetër që të formalizohen, pra të kenë NIPT, pasi në të kundërtën nuk mund të aplikojnë për skemat mbështetëse. NIPTI i fiermerit nuk ka detyrime, ndaj u krijua NIPTI i veçantë, ndryshe nga sa është NIPTI i subjektit fizik apo juridik. Me këtë NIPT formalizohen të gjithë fermerët që merren me bujqësi dhe blegtori në të gjithë vendin.
Skema e qeverisë për këtë vit parashikojnë mbështetje për femerërët përmes 52 masave mbështetëse, aplikime që mund të realizohen deri më 28 mars.
Fermerët kërkojnë nga qeveria që të intensifikojë punën për dhënien e certifikatave të pronësisë, pasi sipas tyre, nëse një dokument i tillë nuk disponohet, formalizimi dhe për pasojë edhe projektet e financimit qeveritar mbeten të paarritshme.
Ismail Paja, një fermer nga Tirana, thotë se fermerët duan mbështetje për dhënien e titujve të pronësisë, më pas informimin dhe orientim për aplikimin në projektet për bujqësinë.
Ismail Paja, fermer: Nuk kam qenë i formalizuar, këtë vit jam formalizuar. U formalizova tani, pasi nuk kisha dokumentin e tokës sime. Të gjtihë duan të punojnë, por dokumentat e pronësisë janë çështja kyçe për formalizimin dhe aplikimin në projekte të ndryshme.
Ndërsa Tafil Marku, një bletërritës, shprehet se përballja me taksat i step fermerët për tu formalizuar.
Tafil Marku, fermer: Më përpara nuk aplikonim, pasi nuk regjistrohemi për shkak të taksave. Është frika e taksave dhe mungesa e dokumentacionit të tokave që na stepin për formalizim.
Për ekspertët e Agjencisë për Zhvillim Bujqësor dhe Rural, pasjisja e fermerëve me NIPT nuk parashikon pagesa taksash, por vetëm formalizim të aktivitetit të tyre bujqësor apo blegtoral.
Ingrid Dashi, Inspektore në AZHBR: Fermerët duhet patjetër që të formalizohen, pra të kenë NIPT, pasi në të kundërtën nuk mund të aplikojnë për skemat mbështetëse. NIPTI i fiermerit nuk ka detyrime, ndaj u krijua NIPTI i veçantë, ndryshe nga sa është NIPTI i subjektit fizik apo juridik. Me këtë NIPT formalizohen të gjithë fermerët që merren me bujqësi dhe blegtori në të gjithë vendin.
Skema e qeverisë për këtë vit parashikojnë mbështetje për femerërët përmes 52 masave mbështetëse, aplikime që mund të realizohen deri më 28 mars.