Rangastalam Reaches 100cr Club...!

Samantha has one more hit to her credit at the box office in the form of Rangasthalam. With the success of the Ram Charan's film, she now has eight films that have breached the Rs 100-crore mark at the box office.

తెలుగులో మోస్ట్ సక్సెస్‍‌ఫుల్ హీరోయిన్ల లిస్టు తీసుకుంటే అందులో టాప్ పొజిషన్లో ఉండే హీరోయిన్ సమంత.ఆమె నటించిన తాజా చిత్రం 'రంగస్థలం' బాక్సాఫీసు వద్ద దుమ్మురేపుతోంది.తొలి మూడు రోజుల్లోనే రూ. 100 కోట్ల గ్రాస్ వసూలు చేసిన ఈ చిత్రం ఇండస్ట్రీలో పలు రికార్డులను బద్దలు కొడుతూ దూసుకెళుతోంది.
రంగస్థలం 100 కోట్ల క్లబ్‌లో చేరడంతో...సమంత ఖాతాలో మరో రూ. 100 కోట్ల సినిమా పడింది.ఇప్పటి వరకు ఈ రికార్డు హీరోయిన్ కాజల్ పేరు మీద ఉండగా.... సమంత ఇపుడు దాన్ని సమం చేసింది.
సమంత కెరీర్లో రూ. 100 కోట్ల గ్రాస్ సాధించిన తొలి చిత్రం మహేష్ బాబు హీరోగా వచ్చిన ‘దూకుడు'. ఆ తర్వాత సూర్య ‘24', విజయ్ ‘కత్తి', ‘తేరి', ‘మెర్సల్', పవన్ కళ్యాణ్ ‘అత్తారింటికి దారేది', జూ ఎన్టీఆర్ ‘జనతా గ్యారేజ్' చిత్రాలు ఉన్నాయి.
అంతే కాదు...పెళ్లయిన తర్వాత రెండు 100 కోట్ల సినిమాల్లో నటించిన హీరోయిన్‌గా సమంత రికార్డుల కెక్కింది.పెళ్లి తర్వాత హీరోయిన్లు సినిమాలకు పనికిరారు అనే అపోహ సౌత్ ఫిల్మ్ ఇండస్ట్రీలో ఉంది. వరుస హిట్లు కొడుతూ సమంత ఆ అపోహను చెరిపేసింది.
కాజల్, సమంత తర్వాత హీరోయిన్ శృతి హాసన్ ఏడు సినిమాలతో తర్వాతి స్థానంలో ఉంది. ఆ తర్వాత ఐదు చిత్రాలతో హీరోయిన్ అనుష్క శెట్టి ఉన్నారు. నిత్యా మీనన్ ఖాతాలో 3 సినిమాలు ఉన్నప్పటికీ ఆ మూడు చిత్రాల్లో ఆమె సెకండ్ హీరోయిన్‌గా నటించింది.