அதிமுக அமைச்சர்களை வச்சு செய்யும் டிடிவி- வீடியோ

டிடிவி தினகரன் அமைச்சர் ஜெயக்குமாரை சரமாரியாக விளாசியுள்ளார். ஜெயக்குமாரை பேச்சுமன்னன் டெங்கு கொசு என வசைபாடிய தினகரன் அவர் ஊருக்குள் போனால் கோமணத்துடன் வரவேண்டும் என்றும் சாடினார். ஆர்கே நகர் சட்டசபை உறுப்பினராக தேர்வு செய்யப்பட்டுள்ள டிடிவி தினகரன் சட்டசபை கூட்டத்தொடரில் பங்கேற்று வருகிறார். இன்றும் சட்டசபைக்கு சென்ற அவர் தம் மீதான விமர்சனத்துக்கு பதில் அளிக்க அனுமதி மறுக்கப்பட்டது என கூறி சட்டசபை வளாகத்தில் டிடிவி.தினகரன் பேட்டியளித்தார். அப்போது தன்னை சட்டசபையில் பேசவிடாமல் தடுப்பதாக குற்றம்சாட்டினார்.
மேலும் முதல்வர், துணை முதல்வர் மற்றும் அமைச்சர்களையும் தன்பாட்டுக்கு விளாசினார் தினகரன். மதுசூதனனை மிகப்பெரிய ஃபிராடு என்ற அவர் ஆர்கே நகரில் அதிமுக தோல்வியடைய அவர் வேட்பாளராக நிறுத்தப்பட்டதுதான் காரணம் என்றும் அவர் கூறினார்.

மேலும் அமைச்சர் ஜெயக்குமாரையும் விட்டு வைக்கவில்லை தினகரன். ஜெயக்குமாரை டெங்கு கொசு, பேச்சு மன்னன் என்றெல்லாம் கிண்டலடித்தார்.
ஜெயக்குமார் ஊருக்குள் போனால் கோமணத்துடன்தான் வரவேண்டும் என்றும் தினகரன் கூறினார். மேலும் ஜெயக்குமாரின் சமூகத்தை சேர்ந்தவர்களே அவரை உதைப்பார்கள் என்றும் தினகரன் தெரிவித்தார்.

எடப்பாடி பழனிச்சாமியும், ஓ.பன்னீர்செல்வமும் துரோகத்தின் எம்பலம் என்றும் அவர் கூறினார். துரோகிகள் கையில் சின்னம் இருந்தால் மக்கள் எப்படி ஏற்றுக்கொள்வார்கள் என்றும் அவர் கேள்வி எழுப்பினார்.


TTV Dinakaran slams Minister Jayakumar. He says Minister Jayakumar as Dengue mosquito,king of speech. And also he says Chief minister Edappadi palanisami and OPS are the good actors.