రంగస్థలం టీజర్.. ఆరోజు రచ్చ రచ్చే ?

Rangasthalam 1985 is the film coming in the combination of Ram Charan and Sukumar. Buzz reports saying that this movie teaser may release on Pongal.

స్టార్ హీరోలు.. స్టార్ మేకర్స్ కలిశారంటే.. భారీ సినిమాలే రూపుదిద్దుకుంటాయి. స్టార్ వాల్యూ రీత్యా పెరిగిపోయిన అంచనాలను అందుకోవడానికి భారీ కసరత్తులు చేస్తుంటారు. ఈ క్రమంలో ఒక్కోసారి షెడ్యూల్స్ కూడా మారిపోవచ్చు.. రంగ స్థలం విషయంలోనూ ఇప్పుడిదే జరుగుతోంది.
రాంచరణ్-సుకుమార్ కాంబినేషన్ లో తెరకెక్కుతున్న ఈ సినిమా ఏడాదిగా నిర్మాణం జరుపుకుంటోంది. అయినా సరే, ఇప్పటిదాకా ఈ సినిమా విడుదలపై ఇంతరవకు క్లారిటీ లేదు. దానికి తోడు సినిమాకు సంబంధించి ఎటువంటి టీజర్, ట్రైలర్ ఇంతవరకు విడుదల కాలేదు. అభిమానుల్లో ఉన్న ఈ అసంత్రుప్తిని గమనించి.. త్వరలోనే టీజర్ విడుదలకు సిద్దమైపోయింది 'రంగస్థలం' యూనిట్.
సంక్రాంతి కానుకగా 'రంగ స్థలం' టీజర్ ను ఎట్టకేలకు రంగంలోకి దించాలనుకుంటున్నారట చిత్ర యూనిట్. గతంలో మాదిరిగానే ఈసారి కూడా.. చూడగానే సుకుమార్ మార్క్ కనిపించేలా 'రంగస్థలం' టీజర్ ను రెడీ చేస్తున్నారట.