జేమ్స్ కామెరాన్ మరో అద్భుతం.. అవతార్2 కోసం లేటేస్ట్ టెక్నాలజీ..! | Filmibeat Telugu

After Avatar success, Cameron is approaching these sequels. Avatar 2 and 3 are filming simultaneously, then Cameron will take a break from production to finish post-production on those two sequels, then go back in and shoot Avatar 4 and 5 simultaneously to wrap things up.

టైటానిక్, అవతార్ లాంటి చిత్రాలతో సిల్వర్ స్క్రీన్ మీద హాలీవుడ్ దర్శకుడు జేమ్స్ కామెరాన్ అద్భుతాలే సృష్టించాడు. మరోసారి అవతార్2, అవతార్3 చిత్రాలను వరుసగా తెరకెక్కిస్తూ మరో సెన్సేషన్‌కు మారుపేరుగా నిలుస్తున్నాడు. గతంలో ఎన్నడూలేని విధంగా జేమ్స్ అత్యున్నత టెక్నాలజీని వినియోగిస్తున్నారు. గ్రాఫిక్స్‌నే కాకుండా కొత్తరకం సాంకేతికతను ప్రేక్షకులకు పరిచయం చేసే పనిలో ఉన్నాడు. ఇంతకీ కొత్త తరహా టెక్నాలజీ ఏమిటంటే..
అవతార్2, అవతార్3 చిత్రాల కోసం అండర్ వాటర్ మోషన్ క్యాప్చర్ టెక్నాలజీని ఉపయోగిస్తున్నాడు జేమ్స్ కామెరాన్. ఈ విషయాన్ని ఇటీవల ఓ కార్యక్రమంలో జేమ్స్ వివరించాడు. అండర్‌వాటర్‌ క్యాప్చర్‌ షూట్‌ను ఇప్పటికే ప్రారంభించాం. ఆరుగురు నటులతో కూడిన బృందంపై కోన్ని సీన్లు చిత్రీకరించాం అని జేమ్స్ వెల్లడించారు.
ఈ షూటింగ్‌లో ఐదుగురు యువకులు, ఓ ఏడేళ్ల బాలుడు పాల్గొన్నాడు. నీటిలో కొన్ని నిమిషాలపాటు ఊపిరి బిగపట్టి వారు నటించారు. నీటి అడుగు భాగాన డైలాగ్స్‌ కూడా పలుకాల్సి ఉంటుంది. షూటింగ్ చాలా కష్టం కావడంతో సైగలను కెమెరాతో క్యాప్చర్ చేశాం అని జేమ్స్ పేర్కొన్నారు.