مسئولية رئيس الجمهورية عن دماء الشهداء .. في من جديد

من جديد اهلا بحضرتكوا .. الحسيني أبو ضيف .. جيكا .. كريستي .. واخيرا محمد الجندي وعمرو سعد .. دول كلهم ضحايا العنف، ضحايا النظام الحاكم .. دول ثوار مش بلطجية، كل مطالبهم هي تحقيق اهداف الثورة العيش والحرية والعدالة الاجتماعية، ولكنهم ماتوا قبل ما يحققوا هدفهم ويستكملوا مشوارهم .. ماتوا كلهم بطريقة واحدة .. رصاصة غادرة في الرأس أو الرقبة أو المخ .. يعني في نيه متعمدة للقتل .. يعني اللى بيضرب عايز يخلص .. لكن السؤال دلوقتي مين المسؤل سياسيا عن ارواح الشهداء دول .. مين اللى لازم يتحاكم على اللى حصل لهم .. مين المفروض يجيب لهم حقهم ؟؟؟
لو حضرتكوا تفتكروا من سنتين كان فيه حالة لشاب اسمه خالد سعيد .. اتضرب واتسحل واتعذب وفي الاخر مات .. مات بس اشعل ثورة، ثورة ضد نظام كان العنف هو منهجة .. النهاردة مات محمد الجندي بنفس الطريقة، ضرب وتعذيب واختفاء ثم ظهور مفاجئ وهو بين الحياة والموت .. هل محمد هيكون حالد سعيد جديد ... هل محمد هيكون ايقونة جديد لثورة جديدة .. ومين اللى مسؤل عن موت محمد واخواته من شباب الثورة .. بنرحب بضيوفنا الاستاذ امين اسكندر .والاستاذ حافظ أبو سعده رئيس المنظمة المصرية لحقوق الانسان ..