#Momken - ممكن - 10-10-2013 -- قصيدة ساعة نحس - الشاعر صلاح عبد الله#
- 7 years ago
Join and Follow us on :
YouTube : http://www.youtube.com/cbcegypt
Facebook : http://www.facebook.com/cbcegypt
Google+: http://www.gplus.to/cbcegypt
Twitter : http://www.twitter.com/cbc_egy
#CBCEgy - #Momken - #ممكن
CBC - ممكن - #خيري_رمضان - 10-10-2013#
ممكن - 10-10-2013 -- بنت الحلال - الشاعر صلاح عبد الله#
ضيف الحلقة
الشاعر - صلاح عبد الله
كلمات القصيدة
ساعة نحس
في ساعة الجمعة أو بعد الصلاة بساعة حارتنا تهيص.
دا بيصلي على الهادي وبيسبح.
ودا بيضحك قوي لجارانه ويصبح.
ودول شلة شباب بيبصو عالحلوة إلي ناشرة قميص.
ودا ماشي يغني كأنه بيشخر.
ودي هناك فاتحة شباكها وبتبخر.
ودا بيخرج، ودا بيخش.
ودي بتكنس ودي بترش.
وواحدة مطلعة السجاجيد وبتنفض وبتروق.
كأن حارتنا دخلتها الليلة دي وقاعدة تتزوق.
وقدام البيوت أطفال، على إديهم، وفي وشوشهم، وفي هدومهم، تلاقي تراب.
جداد عالدنيا لسا يادوب يادوب بيخبطو عالباب.
دا بيجيب طوب عشان يترص.
ودا بيدي لصاحبه مقص.
يعيط واد لحد ما حسه بيغلق.
تلاقي أمه التخينة طالعة بتشلق.
إليه ما توعو تصطبحو ولا توعو تدوقو الزاد.
إليه تنقطع إيد إلي زق الواد.
يقوم جوز التخينة بالفنلة يبص.
تشوف جسمه تحس إنه سجارة وانطفت مالنص.
ويشخط في ابنه: يا ابن الكلب بتفرط في حقك ليه؟
أنا عايزك تسيح دم، وإلي ما ربوهوش أهله علينا إننا نربيه.
تسرسع واحدة من أوضة كأنه خن.
طلع لك والله صوت يا سهن.
وتطلع واحدة تترقص، تقول لها خفت أنا يا أمي!!!
يا ريت يا أختي تلمي الدور وتتلمي.
ودا دمه خلاص فاير.
ودي بتفضح ودي تعاير.
تقول واحدة لجارتها يا أم نص لسان يا نمامة.
ترد جارتها يلا يا شحاتين الأكل يا لمامة.
ودا مسكوه زمان مع مين.
ودي ظبطوها أبصر فين.
تزوغ عينك ما بين شاتم وبين مشتوم.
ويخرجو بالسنج والشوم.
وفي وشوشهم غضب والع.
وطوب نازل وطوب طالع.
ودا سكران بسب الدين ومش بيفوق.
ودي بتدف طبيخ من فوق.
ودا حطو له راسه في التراب بيسف.
ودا بيدي لدا شلوت ودا بيتف.
ودا وارم ودا مبطوح.
ودا مجزوع ودا مجروح.
وأنا واقف وباستغرب وأقول يا ربي يا ربي.
يقول لك فقرهم بكرة يربيهم، وهو الفقر نتربي!!!
وعالناصية تشوف نفس العيال هايصين في لعبتهم.
بيتشاقو، ويتخاصمو، ويتصالحو، كأن حارتنا دي بيتهم.
قال الواد إلي زق الواد جايب له توت وبيقول كل وما توقعش.
ودا لأن العيال غير الكبار بقلوب ما بتبقعش.
وتسمع فرملة عربية قدام طفل فيصَرَّخ لأنه اتخض.
حارتنا في لحظة تتزلزل، يسيبو رجالتها الضرب والشلاليت ونسوانها يسيبو العض.
ويجرو بسرعة عالعيل، ويتلمو قوام حواليه، دا بيدلك له قال ضهره، ودا يطرطش له قال مية على وشه، ودي بتدعك إديه ورجليه.
YouTube : http://www.youtube.com/cbcegypt
Facebook : http://www.facebook.com/cbcegypt
Google+: http://www.gplus.to/cbcegypt
Twitter : http://www.twitter.com/cbc_egy
#CBCEgy - #Momken - #ممكن
CBC - ممكن - #خيري_رمضان - 10-10-2013#
ممكن - 10-10-2013 -- بنت الحلال - الشاعر صلاح عبد الله#
ضيف الحلقة
الشاعر - صلاح عبد الله
كلمات القصيدة
ساعة نحس
في ساعة الجمعة أو بعد الصلاة بساعة حارتنا تهيص.
دا بيصلي على الهادي وبيسبح.
ودا بيضحك قوي لجارانه ويصبح.
ودول شلة شباب بيبصو عالحلوة إلي ناشرة قميص.
ودا ماشي يغني كأنه بيشخر.
ودي هناك فاتحة شباكها وبتبخر.
ودا بيخرج، ودا بيخش.
ودي بتكنس ودي بترش.
وواحدة مطلعة السجاجيد وبتنفض وبتروق.
كأن حارتنا دخلتها الليلة دي وقاعدة تتزوق.
وقدام البيوت أطفال، على إديهم، وفي وشوشهم، وفي هدومهم، تلاقي تراب.
جداد عالدنيا لسا يادوب يادوب بيخبطو عالباب.
دا بيجيب طوب عشان يترص.
ودا بيدي لصاحبه مقص.
يعيط واد لحد ما حسه بيغلق.
تلاقي أمه التخينة طالعة بتشلق.
إليه ما توعو تصطبحو ولا توعو تدوقو الزاد.
إليه تنقطع إيد إلي زق الواد.
يقوم جوز التخينة بالفنلة يبص.
تشوف جسمه تحس إنه سجارة وانطفت مالنص.
ويشخط في ابنه: يا ابن الكلب بتفرط في حقك ليه؟
أنا عايزك تسيح دم، وإلي ما ربوهوش أهله علينا إننا نربيه.
تسرسع واحدة من أوضة كأنه خن.
طلع لك والله صوت يا سهن.
وتطلع واحدة تترقص، تقول لها خفت أنا يا أمي!!!
يا ريت يا أختي تلمي الدور وتتلمي.
ودا دمه خلاص فاير.
ودي بتفضح ودي تعاير.
تقول واحدة لجارتها يا أم نص لسان يا نمامة.
ترد جارتها يلا يا شحاتين الأكل يا لمامة.
ودا مسكوه زمان مع مين.
ودي ظبطوها أبصر فين.
تزوغ عينك ما بين شاتم وبين مشتوم.
ويخرجو بالسنج والشوم.
وفي وشوشهم غضب والع.
وطوب نازل وطوب طالع.
ودا سكران بسب الدين ومش بيفوق.
ودي بتدف طبيخ من فوق.
ودا حطو له راسه في التراب بيسف.
ودا بيدي لدا شلوت ودا بيتف.
ودا وارم ودا مبطوح.
ودا مجزوع ودا مجروح.
وأنا واقف وباستغرب وأقول يا ربي يا ربي.
يقول لك فقرهم بكرة يربيهم، وهو الفقر نتربي!!!
وعالناصية تشوف نفس العيال هايصين في لعبتهم.
بيتشاقو، ويتخاصمو، ويتصالحو، كأن حارتنا دي بيتهم.
قال الواد إلي زق الواد جايب له توت وبيقول كل وما توقعش.
ودا لأن العيال غير الكبار بقلوب ما بتبقعش.
وتسمع فرملة عربية قدام طفل فيصَرَّخ لأنه اتخض.
حارتنا في لحظة تتزلزل، يسيبو رجالتها الضرب والشلاليت ونسوانها يسيبو العض.
ويجرو بسرعة عالعيل، ويتلمو قوام حواليه، دا بيدلك له قال ضهره، ودا يطرطش له قال مية على وشه، ودي بتدعك إديه ورجليه.