سالمة يا سلامه كوكاكولا رجعت بسلامه .. El Sheikh EMAM ... الفنان مراد جاد

كلمات أحمد فؤاد نجم
لحن الشيخ أمام
غناء الفنان التونسي مراد جاد
****
بانوراما دنيا فونيه
صندوق الدنيا عصرى
الصوره من امريكا
والصوت من جوه مصرى
لو تفهم كل قصدى
اوهبلك نص قصرى
واكتبلك الوصيه
على جناح الحمام
واتفرج يا سلملم
واتفرج يا سلام

شوف عندك يا سلملم
واتفرج يا سلام
هزليه مرسحيه
على تياترو السلام
سلام كلام اغانى
وعليكم السلام
ماعاد على الغلابه
عايد غير الكلام
والحاله كل مادا
ياساده ياكرام
واتفرج يا سلملم
واتفرج يا سلام

سالمة يا سلامه
وداليده رجعت بسلامه
اه يا سالمة يا سلامه
والست داليده رجعت بالسلامه
اه يا سالمة ياسلامه

مصريه ومن مواليد شبرا
من تحت نفقها ومجاريها
لو كان محروقش الاوبرا
كانت حتصهلل لياليها
الغنوه المدهونه شفايف
غرقانه وسايحه فى بلوايها
سيد درويش اللى حيلتنا
سرقوه وباعوه بيعه ندامه

سالمه ياسلامه
وداليده رجعت بالسلامه
سالمه ياسلامه
كوكولا جات بالسلامه

نشروا الاعلان ملو الجرنال
جوه البروايز الدهبيه
والتليفزيون بالصوت واللون
كوكولا هى الاصليه
اشرب ياخفيف
بطل تخاريف
بلا طيز الثور بلا وطنيه
كوكولا تفوق وتروق
ضد الافكار الهدامه

يا سالمه يا سلامه سلملة
طيري بينا و رفرفي يا حمامة
سالمة يا سلامة
على مصر الشانيه ام علامه
سالمه يا سلامه

ولاده وحبلى و بكريه
غصبا عن عين اللى باعوها
لا تغير لونها ولا اوانها
ولا تنسى لسانها و دار ابوها
تحبل مواويل من فيض النيل
و تخللى ولادها يغنوها
تسرح غناويها فى حواريها
على نغمه بكره البسامه

يا سالمه يا سلامه
تولد و تقوم بالسلامة