“Kokëdhima ka dalë kundër politikës së partisë” - News, Lajme - Vizion Plus

http://www.vizionplus.tv
https://facebook.com/VizionPlusTV
https://twitter.com/VizionPlusTV
Koço Kokëdhima nuk ka pritur vendimin e Asamblesë Kombëtare të PS-së të shkarkohej nga posti i Sekretarit për Reformën Strukturore dhe Emigracionin në PS. Në pjesën me dyer të mbyllura mbledhjes, ish-deputeti ka deklaruar se dorëhiqet nga pozicioni që mbante. Për mediat, ai tha se do të vijojë lëvizjen brenda PS-së. Më herët në mbledhje u paraqit një kërkesë, ku theksohej se shkarkimi është pasojë e faktit se Kokëdhima prej kohësh ka krijuar shqetësim në bazën e partisë dhe ka përdorur retorikë përçarëse në parti. Gjatë pjesës me dyer të mbyllura, Kokëdhima është shprehur se shkarkimi kishte nisur prej kohësh, që kur Gjykata Kushtetuese hoqi mandati e tij si deputet. Sipas tij, argumenti se nuk merrte pjesë në mbledhjet e partisë ishte diskreditues dhe i cekët. Ish-deputeti ka theksuar se nëse goditet mandati i një deputeti, mund te imagjinohet se ç?mund të ndodhë me popullin. Ai ka akuzuar edhe kryeministrin, duke thënë se me urdhër të tij drejtues të partisë janë pushuar nga puna.