ماما ستو | أغنية أطفال قديمة ورائعة

يا ماما ستو يا سكرة
إنشالله دايما منورة
احكي لنا حدوتة يا ماما ستو
بس إوعى تطلع قصيرة
ياماما ستو، يا ماما ستو
الحدوتة إيه؟
كان فيه بنوتة
حلوة وكتكوتة
واقفة مكبوتة شاعرة بالنقص
قال إيه يا اخواتي
لا ابن الساعاتي
ولا ابن الحاتي طلبوها للرقص
يا ماما ستو بلاش تهويش
أيامكو كان في رقص كمان؟
طب حزموني وسكوا الشيش
وأتفرجوا على رقص زمان
اه يا لالالاي يا لالي
اه يا لالالي يا ليلي يا عين
يا ماما ستو، يا ماما ستو وبعدين إيه؟
مركونة على الحيطة
والدنيا زيطة
قلع البرنيطة ابن السلطان
وجالها بنفسه
وطلبها تراقصه
الناس الفلصو قالوا ده سكران
وهو ولا سكران ولا حاجة
إلا بجمال بنت الطحان
رقصت معاه في الحفلة آلاجه
أحدث وأجدد رقصة زمان
اه يا لالالالي يا لالي
اه يا لالالي يا ليلي يا عين
يا ماما ستو، يا ماما ستو وبعدين إيه؟
قدمها لمامته
وباباه وبطانته
قالتله طنطه دي جميلة صحيح
وأخرج يا منادي
وقول يا هادي
يا أهل المدينادي قيموا التفاريح
ولي عهدكو نقى نقاوة
من وسطكم واسمها أشجان
الشعب بات يرقص يا حلاوة
للصبح طبعا رقص زمان
اه يا لالالالي يا لالي
اه يا لالالي يا ليل
وتوتة توتة فرغت يا لالالي
الحدوتة وأنا أعمل إيه
اه يا لالالالي أوليه