Rokada e pozicioneve në sondazhe ka shënjuar periudhën parazgjedhore në Shtetet e Bashkuara. Që në fillesat e fushatës, ndjekja e shifrave ishte pjesa më e ethshme e saj duke rrëmbyer, siç ndodh rëndom në vorbullën e numrave, vetë të nominuarit, pjesëtarë stafesh, simpatizantë e të lëkundur. Dhe suspansi nuk mungoi. Në krye, herë dilte njëri kandidat e herë tjetri, ndonëse në pjesën më të madhe të kohës, ishte Hillary Clinton ajo që e ktheu avantazhin në aset të vetin.