Subscribe në Ora News këtu http://bit.ly/1s5j7UT

Treguesi i ndjesisë ekonomike ka shënuar rritje me 8.5 pikë gjatë tremujorit të tretë të vitit 2016.
Të dhënat e Bankës së Shqipërisë tregojnë se përmirësimi i besimit të biznesit është pothuajse në të gjithë sektorët e ekonomisë, por nga ana tjetër besimi konsumator shënoi një rënie me 0.5 %. Rritja e treguesit të besimit në sektorin e industrisë pasqyron përmirësimin e balancës së kontratave.
Po ashtu edhe Treguesi i besimit në sektorin e ndërtimit vazhdoi të rritet në tremujorin e tretë çka i atribuohet përmirësimit të të dy komponentëve përbërës: balancës së ecurisë së aktivitetit ndërtues dhe balancës së kontratave porositëse.
Edhe bizneset që operojnë në sektorin e shërbimeve dhe të tregtisë kanë një pritshmëri më të mirë ekonomike për të ardhmen pasi besimi i tyre në zhvillimet ekonomike është përmirësuar ndjeshëm.
Ndërkohë përkeqësimi i besimit të konsumatorëve lidhet me pritshmëritë me situatën e të ardhurave dhe shpenzimeve për të cilën ata nuk presin përmirësim në të ardhmen.

Për më shumë lexoni në: http://www.oranews.tv/vendi/rritet-besimi-i-biznesit-tek-ekonomia/