Abhi Soty raho Bhai..............

Abhi sootay raho bhai
abhi say kiun pareshan ho?
abhi be-rozgari ne
tmharay dar pe dastak b nahi di
tmharay bachay ki bottle main abhi doodh baqi hai
tmharay ghar main rashan hai, abhi faqay nahi hotay
tmharay ahl-e-khana raat ko bhookay nahi sootay
abhi sootay raho bhai, abhi say kiun pareshan ho
tmhara kuch nahi bigra
tmhari walida hain muhtaram ab b
unho ne aj tk thana nahi dekha
jawan beton ki khatir kisi safak thanedar k
paoon nahi pakray
tmhari behan ko ab tak koi 'kari' nahi kehta
shareek e zindagi k khiltay chehray pr
kisi zalim ne kb tezab phenka hai
abhi sootay raho bhai!
tmhara kuch nahi bigra
batao kia kabhi lakht e jigar aghwa hua koi
ya kabhi tm say kisi ne koi tawan manga ho
dhmakay hotay rehtay hain magar aj tk ab tk
tmhara bhai masjid se khair o afiat ghar ko pohncta hai
bhateeja ab b galiyon main cricket khelta hai
abhi tk to kisi ne b isay ulta nahi tanga
na is ki laash galiyon main ghaseeti hai
abhi sootay raho bhai
abhi say kiun pareshan ho
tmhara kuch nahi bigra
abhi is zulm k afriat main, tm main zra sa fasla hai
abhi tm tk pohncnay main zra sa waqt baqi hai
abhi sootay raho bhai, abhi kuch dair baqi hai