کلام شاعر با زبان شاعر .شاہ بغداد سدا بول ہے بالا تیرا

کلام شاعر با زبان شاعر .شاہ بغداد سدا بول ہے بالا تیرا

٭٭کلامِ نصیر٭٭

شاہ بغداد سدا بول ہے بالا تیرا
کیوں نہ ہو صاحب معراج ہے بابا تیرا

نبوی ذوق علوی رنگ بتولی عفت
حسنی اور حسینی ہے سراپا تیرا

کر گیا ماند ولایت کے درخشاں سب چاند
لاڈلا یہ پسر اے سیدہ زھرا تیرا

رنگ والوں کے بھی رنگ اڑ گئے تیرے آگے
ذات بے رنگ نے وہ رنگ جمایا تیرا

تو ولایت کا وہ دولہا ہے کہ بہ عجز و نیاز
اولیا پڑھتے ہیں ہر دور میں سہرہ تیرا

کاسہ وصل سے اک گھونٹ جو جھلکا تیرا
جو کہا تو نے وہ مامور من اللہ ہو کر

بندہ قادر کا ہے تو اور ہے قادر کو دوام
ہم رہیں نہ رہیں نام رہے گا تیرا

میں غلام اور تو آقا میں سوالی تو کریم
طے ازل میں ہوا رشتہ یہی میرا تیرا

حیف صد حیف کہ کچھ پست نظر پست اندیش
اس پہ کڑھتے ہیں کہ اونچا ہے ستارا تیرا

تجھ کو کیا فکر کوئی تیرا بنے نہ بنے
شاہ بطحا تیرے الله تعالیٰ تیرا

جس نے کہا دنیا میں غوث ہیں میرے میرے
وہ قیامت میں بھی کہلاۓ گا تیرا تیرا

جس نے کھائی ہے تیرے نام پر مٹنے کی قسم
ہے نصیر ایک وہ باقاعدہ شیدا تیرا

گر نصیر اہل ستم پنجہ تو بر تابند
ہرگز از دست مدہ دامن آں زاتے را

کلام حضرت الشیخ پیر سید نصیر الدین نصیر جیلانی رحمتہ اللہ تعالی علیہ گولڑہ شریف
.اپ کی دعاؤں کاطالب سید شاہد محی الدین بخاری

ye video kuda-tul-Aulia seminar minhaj ul quran mai ap ny munaqab dar zameenay molana Ahmad raza khan brailvi mai parha gaya ...
kalam e shair ba zuban e shair Pir Naseer ud din Naseer (R.A)