السادة المحترمون: إزالة أربع عمارات مخالفة بالمطرية بنيت على أراضي الأوقاف والسكان يتضررون من القرار

نروح لمنطقة المطرية ، من امبارح الأجهزة التنفيذية في محافظة القاهرة بتقوم بحملة إزالة لأربع عمارات بمنطقة المسلة بالمطرية بدعوى أنها مخالفة وأنها بنيت على أراضي الدولة اللي هى أرض أوقاف ... جميل جدا بالطبع أن القانون يطبق ، لكن العمارات دي في سكان اشتروا فيها شقق دفعوا فيها شقى عمرهم ، ومنهم اللي سكن فيها بالفعل ، وبيسألوا لو العمارات مخالفة ليه الدولة والحي سمح ببنائها ، ودا سؤال منطقي جدا ، وبعدين السكان اللي اشتروا الشقق واللي البعض منهم تم اخراجهم من العمارات لتنفيذ قرار الإزالة ، السكان دلوقتي قاعدين في الشارع ومفيش مكان يقعدوا فيه ،، وهقول تاني تطبيق القانون بإزالة ال4 عمارات كويس جدا لكن ازاي الدولة سمحت ببناء العمارات دي على أراضي الدولة ، وذنب السكان دول في رقبة مين في رقبة الدولة ولا في رقبة الراجل اللي باعلهم الشقق ... عموما احنا معنا على الهاتف الدكتور جلال مصطفى السعيد محافظ القاهرة .
تابعونا على https://www.facebook.com/alSadahalMo7taramon