السادة المحترمون - وزير التخطيط: الحكومة تواجه أزمة في توفير كوادر بالوزارات

وزير التخطيط والتنمية الإدارية د.أشرف العربي عمل مؤتمر صحفي انهارده...كان أبرز ما لفت انتباهنا فيه أنه قال تصريح خطير جدا طرح فيه أزمة البديل بعدم وجود كوادر بالوزارات...في الكورة قوة الفريق بتتقاس بمدى قوة دكته...يعني مين احتياطي بره مستعد ينزل في اي وقت عشان يقلب الماتش ..ويجيب جون يكسب فرقته...تلاقي الفرقة مش عارفة تجيب جون ييجي المدرب ينزل لعيب فرود صح يشوط الكورة في الشبكة يجيب جون ويكسب فرقته...المثل ده ينطبق على كل حته في البلد...الطباخ الشاطر مين هيطبخ بعديه..المدير الشاطر مين هيدير بعديه وهكذا ..انهارده بقه الدكتور اشرف العربي قالها بصريح العبارة كده أن الحكومة بتواجهى أزمة فى توفير كوادر بالوزارات والجهاز الإدارى..يعني ما فيش قيادات صف تاني..وقال كمان ان في فجوة كبيرة بين القيادات من ناحية والكوادر المؤهلة لتولى المسؤولية بالجهاز الإدارى والوزارات من ناحية تانية.. خصوصا أن هناك عدد كبير من القيادات سيحال إلى المعاش فى سنوات قليلة..عشان كده الوزير أكد على أهمية برامج التدريب لتخريج دفعات من الكوادر المؤهلة للتغلب على هذه الفجوة.... عموما لازم بجد تبقى عندكم كوادر مدربة بشكل جيد قادرة على قيادة المرحلة القادمة ...يا إما هنفضل محلك سر .. معنا على الهاتف الدكتور أشرف العربي وزير التخطيط .
تابعونا على https://www.facebook.com/alSadahalMo7taramon