السادة المحترمون: المحكمة الدستورية ستنظر شرعية مجلس الشورى فى 3 يونيو القادم

الإخوان شغالين بالدراع ، يعنى المحكمة الدستورية هتنظر فى شرعية مجلس الشورى فى 3 يونيو القادم ، يحصل ايه بقى ان مجلس الشورى الإخوان يقرر مناقشة مشروع السلطة القضائية يوم 25 مايو الجارى كنوع من الاستباق كده ، طبعا والرئاسة عادى .

لكن فى ناس بتستغرب ازاى الرئاسة توعد رؤساء الهيئات القضائية بحاجة وييجى مجلس الشورى الإخوانى يعمل حاجة تانية خالص ، انتوا مستغربين ليه ما هى دى عادتهم يبيعوا الكلام ، نفس اللى حصل مع مشروع قانون السلطة القضائية حصل برضه فى ديسمبر ويناير الماضى ، ازاى

مرسى دعا لحوار وطنى لمناقشة قانون الانتخابات ، جبهة الانقاذ وقوى المعارضه رفضت حضور لقاء مرسى فى الرئاسة ، وحضر بس ممثلين عن النور وحزب غد الثورة "أيمن نور يعنى" وغيرهم من أحزاب الموالاه للإخوان ، اتفقوا فى اللقاء ده على مواد معينه فى قانون الانتخابات ومباشرة الحقوق السياسية ، ومرسى قالهم تمام وموافق - جه بعدها مجلس الشورى الإخوانى تنصل من ده وقال ملناش دعوة بالرئاسة !! الأغرب فى الموقف ده هو اللى قاله ياسر على المتحدث باسم رئاسة الجمهورية وقتها لما اتسأل ازاى الرئاسة تتنفق فى الحوار الوطنى على حاجة وييجى مجلس الشورى "الإخوانى" ويقروا حاجة تانية ! - تعالوا نشوف ياسر على قال ايه وقتها